Nga Arbër AHMETAJ – Zvicër
Shpesh trishtohem kur mendoj për gratë! Sidomos për ato që bëjnë art, shkencë, sport në majat e larta! Sado lart të shkojnë, gjithmonë gjendet ose fabrikohet një burrë, për të qenë më i lartë, për t’u bërë hije! Në fushën e letërsise, ani pse të pakta, ato persekutohen persosshmërisht nga burrat!
Qysh kur e gjunjëzuan Musine Kokolarin, me burgje, togerë e internime, revolucioni maçist ndaj grave s’ka të ndalur! Çizmet e trurit mashkullor shkelin mbi çdo talent, mbi çdo filiz femror që mbin plot druajtje në kopshtin e kazermës letrare, ku para pasqyrave pispillosen burra të zymtë, me talent të panegociueshëm! Në FB burrat e betontë të artit lexojnë poezi grashë të bukura! Nisin fjalë dytehëshe, « like » e ndonjë zemër, në varësi nga fotoja e gruas! Pastaj u kërcasin në derën e « inbox-it » ku lëshojnë tirada të pafundme lajkash! Burrat i shohin gratë e talentuara, jo si kolege, si artiste! Ndryshe i shohin, siç shohin ushtarët nga vrimat e murit të kazermës, gratë që shkojnë rrugës! Skenderbegasit e kuptojnë më mirë nentekstin! Burrat janë të talentuar, të ditur, por kanë nevojë ulëritëse të emancipohen! Është e vështirë, pasi vijmë nga një kulturë greko-judaisto-kristiano-muslimane të bazuar mbi supremacine absolute të burrit! E vështirë s’do të thotë e pamundshme! Burrat e talentuar, duhet të përbëjnë modelin, e respektit për gratë, motrat, vajzat tona të talentuara!
Në fund të fundit ato janë thjeshtë më të talentuara se ne! N’a lindin!: v.o. (Vini oroe) Piktura e Nazmi Hoxhës, « lule e gjemba », pjese e koleksionit tim do të hijeshojë ballinën e librit tim që botohet në tetor 2018, nga Skanderbeg Books.
![Fotografia e Arber Ahmetaj](https://ecp.yusercontent.com/mail?url=https%3A%2F%2Fscontent.ftia1-1.fna.fbcdn.net%2Fv%2Ft1.0-0%2Fp180x540%2F38273639_2243120602397332_8384174150641516544_n.jpg%3F_nc_cat%3D0%26oh%3Dbdae0069f3fa92b8677ebca55ffaca63%26oe%3D5BCBB95F&t=1533155844&ymreqid=49322e85-e656-f0ce-1c31-d9000201d100&sig=ase0C86GDjWoKjDZKZNWCA--~C)