Poezi nga Maxhun OSMANAJ me rastin e Ditës Botërore të Poezisë.
Më fal, poezi
herë të lind, herë të vras
tani dua ta di
cili njëri-tjetrin ndjek pas ?!
Më fal poezi
sa shumë të torturoj
labirintheve duhet të dal-të hyj
shpirtit rebel, besnik t’i qëndroj.
Më fal poezi
që kurrë betejat s’do t’i mbarojmë
as në paqe, as në zjarrmi
s’di n’cilin stacion do të pushojmë.
Më fal poezi
nëse e akorduam mirë melodinë
fajtor s’jam unë as ti
ne kënduam për pa-kënaqësinë…
Më fal poezi
krejt çka thashë n’varg
për mua , për ty
sa afër janë , sa larg.
Më fal poezi
dikush tjetër më ka shty’…
s’kam shpjegim për ty!
(Ripostim, por asnjëherë nuk me del nga qejfi kjo poezi)
Istog/Kosovë, 21 mars 2022
