Përzgjedhësi i kombëtares së Kosovës, Driton Kuka, gjithsesi se është i lumtur për ecurinë fantastike në Kampionatin Botëror, që po mbahet në Tokio të Japonisë.
Kampionia olimpike, Majlinda Kelmendi (-52 kg) dhe Distria Krasniqi (-48 kg) janë stolisur me medalje të bronzta në kampionatin që vlerësohet si më i forti në historinë e xhudos botërore.
“Botërori në Tokio! Pas ditës së tretë Kosova gjendet në Top 10 shtetet më të forta!
Dy medalje të fituara dhe një vend i 7 shënojnë pas tri ditësh suksesin më të madh të Kosovës në Kampionate Botërore!
Në Tokio po marrin pjesë 147 Shtete! Pikët Olimpike të fituara deri më tani janë si vijon: Distria Krasniqi 1000 pikë Olimpike 48 kg, Majlinda Kelmendi 1000 pikë Olimpike 52 kg, Nora Gjakova 520 pikë Olimpike 57 kg, vendi i shtatë në Botëror. Akil Gjakova 240 pikë Olimpike 73 kg, pa plasman! Loriana garon të premten!”, shkruan Kuka.
