Në Shtetet e Bashkuara numri i viktimave të shkaktuar që nga fillimi i pandemisë po i afrohet të 800,000 personave sipas shifrave të njoftuara të dielën. Ky zhvillim vjen ndërsa vendi po përgatitet me një rritje të mundshme të infeksioneve për shkak motit të ftohtë dhe variantit shumë ngjitës të virusit, Omicron.
Vendi ka humbur më shumë jetë nga virusi këtë vit krahasuar me 2020 për shkak të variantit më ngjitës Delta dhe njerëzve që refuzojnë të vaksinohen kundër COVID-19, pavarësisht se vaksinat janë gjerësisht të disponueshme dhe falas.
Që nga fillimi i këtij viti mbi 450,000 persona në Shtetet e Bashkuara kanë vdekur si pasojë e COVID-19-s.
Këtë vit, numri më i madh i vdekjeve ka qenë mes persona pavaksinuar, thonë ekspertët e shëndetësisë. Numri i viktimave është rritur megjithë përparimet në kujdesin për pacientët me COVID-19 dhe mundësitë e reja për trajtim sikurse antitrupat monoklonalë.
Sipas një analize të publikuar nga agjencia Reuters u deshën 111 ditë që vdekjet në SHBA të rriteshin nga 600 në 700 mijë dhe pritet që shifra të shkojë në 800,000 mijë, brenda 73 ditësh.
Po sipas Reuters, në mesin e vende më të pasura të Grupit të Shtatë (G7), Shtetet e Bashkuara janë përballur me pasojat më të rënda nga sëmundja për sa i përket numrit të vdekjeve për frymë nga COVID-19, duke nisur nga 1 janari deri më 30 nëntorit.
Numri i vdekjeve në Shtetet e Bashkuara llogaritet të jetë mbi tre herë më i lartë sesa në Kanada dhe 11 herë më i lartë krahasuar me Japoninë./ Reuters
