– Kushtuar ish partizanit Jaho Sali Gjonaj, i cili u pushkatua ditën e formimit të Batalionit “Perlat Rexhepi” në Varfë-

 

Nga Xheladin Sali GJONAJ, Geghysen-Tropojë

 

Në fund të fshatit ku rrjedh Valbona

Deri nelt në bjeshkët tona

Kund nuk pat një djalë si ty

Si lulëbjeshke me u pa me sy.

Shumë i zgjuar edhe trim

Ishe gati në çdo kushtrim

Dal prej shpie fort i ri

Tuj i lan bjeshkë e vrri

Njerëzit tu i le në varfëri

Herë pa hangër, herë pa pi

Zana e malit në bjeshkë përmbi

Thanshin Jahes i ka thane gji.

Rrem dragoni, trim me fletë

Plumbi i pushkës mos me prekë

Nuk pat ku me shkue në shkollë

Zoti e fali mendje hollë.

S’pat nevojë për shenj me msue

Në fluturim zogun pat rrzue

Ku zdritë dielli e peron hana

Ma trim s´patë qysh e banë nana

Si e kam vlla s‘po i kendoj lavdi

Po s’po due në hak me i hi

Pak vjet kisha unë ateherë

Kur ti ike nga kjo derë

Me sy s´të pava asnjëherë

Mbeta i vogël nuk pata vlla

Sikur zogu kur jetë pa krahë

U largove shkove në qytet

Me hanger bukë jo përlezet

Kamarier, hamall kalarove çdo anë

Punove në Durrës, edhe në Tiranë

Në qytet të Krujes shkove me kamë

Askund nuk gjete derman per veti

Për Shijak u nise shkove te Mehmeti

Siç ish burrë ai pat qendrue

Prej s´keqes nuk më pat pshtue

Në Shijak nuk gjeti vend për ty

Në çetën partizane të çoj me hy.

 

Në Luftën e Reçit të Shkodrës nanë

S´luftove barkas, u cove në kamë

Shtabi ty synin ta pat ndue

Ata nuk deshtën me jau kalue

Ju vesh sumuer ti ke kundershtue

Pa gjygj të nxoren me të pushkatue

S´tu drodh qerpiku trim ke qëndrue

Nuk pranove syt me i mbulue

Mos me i pa plumbat tuj ti lshue

Geghysenin ku linde s´deshe me turperue

Të rrojë Shqipëria fort ke ngermue

Plumbat për toke ty të kanë rrëzue

Ata të pabesë e treguen veten

S´u ktheve ma ta muarën jetën

Qyshke me rroba në grope të paten shti

Tuj te leshue gurë e dhe´ aty permbi

Sikur të ishe kafshë e jo njeri

Shokët shkodranë për ty mbajten zi

Atë natë në çetë s´kanë hanger, as pi,

Gjashtë javë ma vonë Beka atje shkoi

Me dhembje Jahos vorrin ja nderroi

Siç ish zakoni e rahatoi

Me qefin e dërrasa atje e ndoi-

Unë për jetë  nuk ja harroi

NëVarfë të Shkodrës kish pas burra

Një nder ta Qerim Bacula

Shpi bujare e me za

Për atë çetë gjithçka patë ba

Kur mori vesh se të vranë me plumb

Çdo gja për partizanet aty muer fund

Isufit, të birit i tha pa pritue:

Mbasi ju Jahon keni pushkatue

Me u pa ne shtëpi ma nuk po due

Populli trimat kurrë si harron

Në oborrin e ti lapdari qëndron.

 

Në fshatin Rrashkullaj Hysenin kam gjet

Invalid nga lufta i shkreti kish mbet

Ai me respekt filloi me tregue:

“Ma trimi e besniku ish Jaho për mue”

I nipi Miftari më priti me burrni

Sikur të isha shoku a miku i tij

Qau nana e Canit kur më pau mue

Vllau im i vdekun asaj ju kujtue.

Lilo Zeneli e doktor Sutkia

Më pritën në zyrë edhe tek shpia

“Nesër me vdekë shkojmë me mërzi

Se Jaho Salihit ju ba padrejtësi”

Gjithë shkodranët që kam takue

Me gjithë zemër i kam falenderue

Atje gjeta burra shumë trima

Lilo Zenela e Isuf Qerima

Xhemail Bejton doktor Bushatin

Hysen Imerin edhe Mitatin

Për Bilal Parrucen puna më ra

Shokët e tyne kurr si kam pa

Tash shumica në ta kanë vdekë

Nderim për ata e kush ka mbetë.

Eshtrat e Jahos do t’i marr një ditë

Emni i partizanit aty do bajnë dritë

Babai jonë mrapa të pat ra

Vetëm një here në Krujë të patë pa

Aq shumë mërzi ati i patë ra

E varrin tand vdiq pa e pa

Me mall në varr ai pat shkue

Një ditë eshtrat afër me ja çue

E unë me vdekë tash nuk po due

Amanetin e babës në vend pa e çue

 

Prej shtatë djemve që lindi unë kam jetue

E thanke: “Zoti ma la hisen mue”

Veç brezat tanë kurr mos me u shue

Tash djem e nipa kam në çdo anë

Në Londër, Tropojë edhe në Tiranë

Besoj s’kanë me na harrue,

Lulet mbi varre kanë me i ndue.

 

Nga Xheladin Sali GJONAJ, (Vllai i Jahos)

——————-

* Mehmet Mulosmani / * Bekë Ahmet Gjonaj/ * Qerim Bacula – i zoti i shtëpisë ku partizanët kanë hangër e pi, baçen e tij e kanë pasë të lirë me marr / * Hysen Imeri – invalit komandant kompanie në Batalion / * Myftari nipi i Hysenit mësues e banor në Rrashkullaj/ * Can Isufi, ishkryetari këshillit  Rrashkullaj / * Lilo Zeneli, Isuf Qerimi, XhemailBejto, Sutki Bushati  partizanë  çetë / * Bilal Parruca  Qarkorin e Shkodrës ma vonë Kryetar i Komitetit Ekzekutiv  Shkodër e tjerë./ * Isuf Qerimi  atë kohë djalin Kryetar Këshilli  Varfë. / * JahoSalihi u pushkatue ditën e formimit  Batalionit Perlat Rexhepi Varfë.

      ——————-

Tropojë, Mars 2021-