Ekonomistët amerikanë, William Nordhaus dhe Paul Romer, fituan Çmimin Nobel në Shkencat Ekonomike për integrimin e ndryshimeve klimatike dhe të inovacionit teknologjik në analizën makroekonomike.
“Gjetjet e tyre e kanë zgjeruar fushën e analizës ekonomike, duke ndërtuar modele që shpjegojnë se si ekonomia e tregut ndërvepron me natyrën dhe ndërgjegjësimin”, tha përmes një deklarate Akademia Mbretërore Suedeze e Shkencave.
Nordhaus nga Universiteti Yale dhe Romer nga Universiteti i Nju Jorkut janë fituesit e fundit në serinë e çmimeve Nobel të këtij viti.
Ata do të ndajnë çmimin prej një milion dollarësh.
Javën e kaluar, në Stokholm u ndanë edhe çmimet Nobel për Mjekësi, Fizikë, Kimi dhe Paqe.
Çmimi për Letërsi nuk u nda këtë vit, për shkak të një skandali me abuzim seksual në Akademinë Suedeze, që zgjedh fituesit.
