Peshku është ndër ushqimet me shumë vlera për organizmin. Foto: Flickr
Ngrënia e peshkut shoqërohet shpesh me rrezikun e bllokimit të rrugëve të frymëmarrjes nga ndonjë halë tinëzare.
Halat shkaktojnë dhimbje, vështirësi në frymëmarrje e shpesh edhe panik.
Ekspertët e AgroWeb.org thonë se momenti i ngecjes së një hale në fyt duhet përballuar me qetësi e më pas, zgjidhjen mund ta gjeni në shtëpi sipas këshillave të mëposhtme.
Çfarë duhet të bëni
Nëse e gjeni veten në një situatë të tillë, gjëja e parë që duhet të bëni është të përpiqeni të kolliteni fort.
Lëvizjet e fytit mund të nxisin nxjerrjen e halës pa shkaktuar dëme.
Por nëse kolla nuk funksionon atëherë mund të provoni të pini ujë me kripë.
Lëngu i kriposur do të marrë me vete halën e ngecur.
Buka me gjalpë kikiriku është një mënyrë shumë e mirë për të eliminuar këtë problem.
Hala do të ngjitet me gjalpin e kikirikut dhe do të zbresë në stomak.
Një mënyrë tjetër është që të hani një grusht me arrorë, përtypja e të cilëve vë në lëvizje pjesën e fytit dhe shkëput halën e ngecur në fyt.
Disa gllënka të vajit të ullirit e bën pjesën e fytit më të rrëshqitshme duke lehtësuar lëvizjen e halës drejt stomakut.
Për më tepër, vaji i ullirit do të qetësojë irritimin e shkaktuar nga hala.
Ekspertët e AgroWeb.org thonë se një lugë me pilaf e papërtypur merr me vete halën e bllokuar dhe lehtëson frymëmarrjen.
Përveç pilafit, ju mund të mbani një copë bananeje në gotë për rreth 2 minuta dhe më pas ta gëlltisni pa e përtypur.
Në fund pini një gotë ujë.
AgroWeb.org ju këshillojnë që të mos përpiqeni ta hiqni halën nga fyti me gishta.
Një gjë e tillë mund të shkaktojë probleme dhe gjakderdhje të brendshme.
