Rreth 2500 persona çdo vit po preken nga hemoragjitë dhe ishemitë cerebrale. Mënyra e të jetuarit dhe neglizhenca e sëmundjeve si hipertensioni e diabeti kanë rritur numrin e të prekurve dhe ulur moshën e tyre.
Sëmundja e moshës së tretë tashmë po prek dhe të rinjtë. Goditjet në tru po regjistrojnë rreth 2500 pacientë çdo vit në vendin tonë.
Ulja e moshës së personave që po preken nga ishemitë dhe hemoragjitë cerebrale dhe rritja e numrit të tyre sipas mjekëve vjen si pasojë e neglizhencës ndaj faktorëve të rrezikut.
Goditjet në tru kanë shkalle te larte invaliditeti, ndaj mjekët bëjnë thirrje për t’ju drejtuar specialistit sapo të dalloni shenjat e para.
Kapja në kohë e sëmundjes rrit efektivitetin e trajtimit dhe ul rrezikun e invaliditetit.
