Përbërësit:
Për 2 persona nevojiten:
2 feta bukë
6 feta proshutë
1 avokado i pjekur mirë
pak gjethe sallate
½ limon
2 lugë majonezë
2 lugë panë
1 thelb hudhër e vogël
piper e kripë
Përgatitja:
Në një tigan skuqim fetat e proshutës për 5 minuta. Më pas i vëmë në një pjatë me letër kuzhine për t’u hequr yndyrën e tepërt. Avokadon e ndajmë në mes, i heqim bërthamën dhe pasi ta qërojmë e ndajmë në feta jo shumë të holla dhe i lyejmë me pak lëng limoni.
Sallatën e ndajmë me dorë në copa jo shumë të vogla. Përziejmë majonezën me panën, pak hudhër të shtypur, kripë dhe lëngun e limonit të shtrydhur (këtë të fundit shtojeni dalëngadalë pasi duhet ta rregulloni sipas shijes suaj).
Thekim fetat e bukës, i lyejmë me pak salcë, vëmë pak sallatë, proshutën në copa jo të mëdha si dhe feta avokado. E spërkasim sipër me salcën dhe e konsumojmë menjëherë.
