Kancelari i Austrisë, Sebastian Kurz, tha se perspektiva europiane e Ballkanit Perëndimor duket më e mirë se kurrë.
Ai i bëri këto komente në Budvë të Malit të Zi, teksa hapi një konferencë për ekonominë.
Kurz tha se është i sigurt se Bashkimi Evropian do të jetë i plotë pas anëtarësimit të vendeve të Ballkanit.
“Këto nuk janë ëndrra; është rrugë reale”, tha kancelari austriak.
“Austria është e interesuar që vendet e Ballkanit Perëndimor të futen në BE, por edhe për bashkëpunimin ekonomik”, tha ai.
Presidenti i Malit të Zi, Millo Gjukanoviq, tha se qytetarët e Ballkanit Perëndimor besojnë në BE.
“Nëse vendet e Ballkanit Perëndimor nuk hyjnë në BE, do të kemi një rajon të paqëndrueshëm”, tha Gjukanoviq.
