Në Kosovë, presidenti Thaçi tha sot se nuk do të ketë asnjë forcë që do të detyrojë Kosovën të diskutoj për ndarjen e vendit ndërsa kritikoi përfaqësues politik për hedhjen e ideve të tilla. Javëve të fundit janë shpeshtuar debatet për mundësinë e ndarjes së Kosovës apo shkëmbimit të territoreve me Serbinë si zgjidhje për të dyja vendet. Për analistët, një gjë e tillë po ndodh për të sprovuar publikun para marrëveshjes së mundshme përfundimtare për normalizimin e marrëdhënieve ndërmjet të dyja vendeve.
