Rita Ora ka pozuar së fundmi për kopertinën e revistës “Glamour”. Këngëtarja shqiptare me famë botërore ka dhënë gjithashtu edhe një intervistë, ku ka folur për të kaluarën e saj të vështirë.
Rita ka rrëfyer kohën kur familja e saj u zhvendos nga Kosova në Mbretërinë e Bashkuar, gjatë trazirave ballkanike.
“Dëshira e pangopshme e Ritës për sukses, thotë ajo, vjen nga frika për t’u rikthyer në jetën e saj, para suksesit dhe mbart peshën e përgjegjësisë për familjen e saj,”, shkruan revista “Glamour”.
“Prindërit e mi nuk më kanë bërë kurrë presion; Fëmijëria ime ishte e lumtur dhe e mrekullueshme”, tha fillimisht Rita.
Nevoja dërrmuese për të arritur dhe mbrojtur familjen e saj vjen nga vetja, “Disa njerëz mund të mos e dinë se sa sakrificë kam bërë vetëm për t’u siguruar që të dashurit e mi të jenë mirë”, pranoi Rita.
“Gjithmonë kam pasur presionin e të menduarit: ‘Nëse nuk ia dal, atëherë a do të kthehemi nga kemi ardhur?
Nuk e di se çfarë është ajo ndjenjë, sepse në fakt nuk jam rritur kurrë në Kosovë dhe jeta para luftës ishte menduar të ishte e mirë. Jam rritur në Londër. Pra, është pothuajse si të kesh frikë nga diçka që nuk është në të vërtetë atje”, shtoi Rita./ Limit.al
