SUEDI- Policia suedeze ka dhënë leje që një qytetar në Suedi të djegë një Bibël hebraike përpara ambasadës izraelite në Stokholm këtë fundjavë, një tjetër vendim drastik që do të trondisë komunitetet fetare. Kjo ka tronditur Izraelin dhe komunitetet hebreje në Suedi dhe në mbarë globin. Lëvizja u bëri jehonë kapitujve të dhimbshëm të historisë hebreje në Evropë, ku djegia e librave hebrenj shpesh lajmëronte kohë të persekutimit ekstrem, si pogromet, dëbimet, inkuizicionet dhe Holokausti.
“Si njerëz të librit, Tora është thesari ynë më i shenjtë i kodeve morale dhe etikës që kanë ndryshuar botën në të cilën jetojmë”, thuhet në deklaratë.
Suedia e ka gjetur veten në kryqëzimin e lirisë së fjalës dhe respektimit të besimeve fetare, duke qenë se ligjet në vend lejojnë djegien e teksteve të shenjta dhe autoritetet kanë pak liri veprimi për të parandaluar veprime të tilla. Muajin e kaluar një emigrant irakian në Suedi dogji Kuranin jashtë një xhamie në Stokholm, duke shkaktuar zemërim në të gjithë botën myslimane, duke përfshirë edhe Turqinë, e cila është anëtare e NATO-s/Limit.al
