Nëna Natyrë di të mahnisë me fenomene të bukurisë së rrallë, të afta për të lënë të çuditur ata që i vëzhgojnë, si në soditje të një spektakli të pabesueshëm dhe unik.
Nëse për t’i admiruar ndonjëherë mjafton të shikoni nga dritarja e shtëpisë dhe ndoshta të shihni një muzg të zjarrtë ose një ylber veçanërisht të gjallë, në raste të tjera mund të udhëtoni në qoshet më të largëta të planetit për të gjetur disa nga fenomenet më të mahnitshme natyrore.
Më poshtë jua sjellim këto dukuri natyrore që janë publikuar edhe në faqen italiane (I viaggi del vandante) dhe po risillen nga ne për ju:
Aurora borealis dhe aurora australe- Është një fenomen i jashtëzakonshëm optik që ndodh në atmosferë me njolla të ndritshme, zakonisht të kuqe, jeshile ose blu, të shkaktuara nga bashkëveprimi i protoneve dhe elektroneve me jonosferën e tokës. Fenomeni është më intensiv gjatë periudhave të aktivitetit të lartë diellor.
“Gjaku” i Antarktidës- Rreth dy milionë vjet më parë, uji tepër i kripur dhe me ngjyra ra në kontakt me oksigjenin, reaksioni kimik krijoi një ujëvarë spektakolare të një ngjyre të kuqe gjaku që ende qëndron në kontrast me të bardhën e akullnajës Taylor dhe liqenit Bonney.
Shkëmbinjtë biolumineshentë- Ky fenomen natyror i njohur si biolumineshencë është një dritë e prodhuar nga mikroorganizmat detarë të quajtur fitoplankton, i cili ndriçon vetëm disa plazhe në mbarë botën, duke përfshirë brigjet e ishullit Vaadhoo në Maldive, gjiret në Tajlandë dhe Vietnam, Gjirin Jervis në Australi.
Stuhi rrufesh, Venezuelë- Liqeni spektakolar Maracaibo në Venezuelë ka qenë gjithmonë vendi i një fenomeni natyror mbresëlënës që ka tërhequr vëmendjen e njerëzve. Ky fenomen atmosferik mbresëlënës dhe i frikshëm ndodh me një intensitet dhe frekuencë rekord që regjistron numrin më të lartë të goditjeve të rrufesë për kilometër katror, rreth 250 mesatarisht në vit të shpërndara në 260 ditë në vit.
Liqenet rozë, Australi- Një nga më të famshmit është Liqeni Pink Hillier, një liqen 600 metra i gjatë në buzë të Middle Island në arkipelagun Recherche në brigjet jugore të Australisë Perëndimore.
Cano Cristales, Ylber i lëngshëm në Kolumbi- Lumi Caño Cristales në La Macarena në Kolumbi njihet edhe si ylberi i lëngshëm për shkak të ngjyrave të ndryshme që e dallojnë atë.
Gjeoparku Kombëtar Zhangye Danxia, Kinë- Një tjetër ylber që nuk gjendet në qiell mund të shihet me gjithë shkëlqimin e tij shumëngjyrësh në shpatin e malit të Gjeoparkut Kombëtar Zhangye, ku vija të gjera shumëngjyrëshe pikturojnë malin në nuancat e ylberit. Ky fenomen natyror është bërë pjesë e Trashëgimisë Botërore të UNESCO-s dhe mund të vizitohet falë shtigjeve të ecjes ose të admirohet nga larg në tërësi nga tarracat e veçanta panoramike.
Salar De Uyuni, Bolivi- Në këtë parajsë tokësore do të keni ndjesinë e ecjes mbi ujë ose të fluturimit nëpër retë në qiell duke lundruar në një atmosferë surreale dhe magjike.
Rrufeja vullkanike mbi malin Sakurajima, Japoni- Vullkanet aktive janë një nga fenomenet natyrore më spektakolare ndonjëherë. /Limit.al
