SHBA– Është zhvilluar me debate të forta mes Kosovës dhe Serbisë mbledhja e Këshillit të Sigurimit në Organizatën e Kombeve të Bashkuara. Debati u ‘’nxeh’’ pas deklaratës së bërë nga ministri i Jashtëm serb Ivica Daçiç, i cili prej kohësh ka vënë në ”shënjestër” Kosovën pas vendimit që ajo të bëhet pjesë e Këshillit Europian.
Gjatë fjalës së tij Daçiç deklaroi se Serbia nuk do ta njohë kurrë pavarësinë e Kosovës duke shkelur në këtë mënyrë me të dyja këmbët ”Marrëveshjen e Ohrit” të nënshkruan nga dy liderët Albin Kurti dhe Aleksandër Vuçiç. Po ashtu ministri i Jashtëm serb deklaroi se Serbia s’do të votojë që Kosova të bëhet anëtare e OKB-së, duke shkelur për herë të dytë mareëveshjen, që me sa duket Serbia se ka marrë kurrë seriozisht.
Ivica Daçiç: Kosova për ne është sui generis sa është Jerusalemi për izralitët dhe Meka për myslimanët dhe Vatikani për katolikët. Dua të theksoj se Serbia kurr nuk do ta njohë pavarësinë e shpallur në mënyrë të një anshme. Dhe nuk do të votojmë që ajo të bëhet anëtare e OKB-së. S’ka mundësi që Kosova të bëhet anëtare e OKB-së, s’ka shumicë.
Daçiç falenderoi shtetet anëtare të OKB-së që nuk e kanë njohur Kosovën.
Ivica Daçiç: Falendëroj shtetet anëtare që s’e kanë njohur pavarësinë e Kosovës.
Përgjigjen e mori menjëherë nga homologia e tij, ministrja e Jashtme e Kosovës Donika Gërvalla. Kryediplomatja e Kosovës tha se Daçiç është kriminel lufte dhe se për këtë duhet të dalë para drejtësisë. Që Daçiç është kriminel, Gërvalla tha se do ta thotë në tri gjuhë: shqipe, angleze e serbe.
Donika Gërvalla: Ivica Daçiç është përgjegjës për krime lufte, vrasje masive e përdhunime. Ai duhet të sillet para drejtësisë, para një tribunali për krime lufte.
Për të ”faktuar” ata që tha Gërvalla përmendi edhe postet që Daçiç e Vuçiç kishin si bashkëpunëtorë të “Kasapi i Ballkanit” që është përgjegjës për luftërat serbe. Ndërsa shtoi se ata i kanë duart me gjak.
Donika Gërvalla: Vuçiç e Daçiç që duan një rend që dirigjohet nga Moska, por kjo s’mund të ekzistojë. BE, NATO dhe Kombet e Bashkuara s’e lejojnë një vend ku pushtimi e invazioni janë mënyra të udhëheqjes.
Këshilli i Sigurimit i Kombeve të Bashkuarapo po diskuton raportin e ri gjashtëmujor të sekretarit të përgjithshëm të OKB-së, Antonio Guterres, për punën e Misionit të OKB-së në Kosovë (UNMIK). /Limit.al
