Përbërësit: 25 gr sheqer pluhur, 100 gr niseshte misri, 700 gr sheqer, lëngu i 1 limoni, 500 ml ujë, 3 lugë gjelle xhelatinë pluhur, ngjyrues ushqimi i kuq ose rozë (sipas dëshirës), 2 lugë gjelle ujë trëndafili
Përgatitja: Filloni duke veshur një tavë me madhësi rreth 20×20 me qese plastike. Pas kësaj bashkoni në një tas të vogël duke në sitë 25gr niseshte misri dhe sheqerin pluhur. Përziejini mirë përbërësit sa të bashkohen. Përdorni pak nga kjo përzierje për të spërkatur bazën dhe anët e tepsisë së pjekjes.
Ngrohni 700 gr sheqer, lëngun e limonit dhe 400ml ujë në një tigan të madh në zjarr të ulët, por mos i lini të ziejnë. Në një tas të veçantë, bashkoni 100 ml ujë të ftohtë me 75 gr niseshte misri. Shtoni këtë përzierje në tiganin me shurupin e sheqerit që përgatitët më parë.
Shtoni gradualisht edhe xhelatinën pluhur dhe përziejeni derisa të përftoni një masë të njëtrajtshme dhe pa gunga.
Vendoseni tiganin në zjarr të lartë derisa të vlojë. Kur të vlojë uleni nxehtësinë në mesatare dhe gatuajeni për 20 minuta të tjera, duke e përzier vazhdimisht, derisa masa të trashet dhe të marrë ngjyrë të verdhë të zbehtë.
Lëreni mënjanë përzierjen e llokumeve. Nëse dëshironi të shtoni ngjyrë, shtoni disa pika ngjyrues ushqimesh dhe lëreni masën të pushojë për 5 minuta. Në fund shtoni ujë trëndafili. Hidheni masën në tavë dhe lëreni të qëndrojë gjatë gjithë natës në një vend të freskët.
Të nesërmen, pudrosni sipërfaqen e punës me miell misri dhe sheqer pluhur. Hiqni masën nga tava, priteni në kubikë dhe e spërkateni me miell misri dhe përzierjen e sheqerit pluhur. /AgroWeb.org /Limit.al
