Kitaristi legjendar i grupit ABBA, Lasse Wellander, ka ndërruar jetë pas në moshën 70-vjeçare pas një beteje me kancerin.
Grupi suedez i pop-it e përshkroi talentin e Wellander-it si “të pamasë” dhe i bëri homazhe një “miku të dashur, një djali argëtues dhe një kitaristi të shkëlqyer”.
I rritur në fshatin e vogël të Skrikarhyttan, Suedi, Wellander pati seancën e tij të parë të regjistrimit me Abba në tetor 1974 dhe vazhdoi të luante në albumet e tyre përkatëse solo pas ndarjes së tyre.
Së fundmi, Wellander luajti në albumin numër 1 të kthimit të Abba, Voyage. Në një intervistë me Sunday Express pak para publikimit të tij në 2021, ai tha se puna me grupin ishte “sigurisht gjithmonë më e veçantë”.
“Kur po bëja këngët e mia në kitarë, më dukej si në kohët e vjetra. I vetmi ndryshim ishte se këtë herë kishte një paraprodhim, gjë që është shumë e zakonshme në ditët e sotme”, tha ai për gazetën.
Gjatë turneut me muzikantin Ted Gärdestad në 1974, Wellander takoi Ulvaeus dhe Andersson, të cilët e rekrutuan atë për të qenë pjesë e ABBA.
Sipas biografisë së Wellander në faqen e internetit të ABBA, ai më pas u bë kitaristi kryesor në albumet e ABBA dhe bëri turne me ta në 1975, 1977, 1979 dhe 1980.
Wellander gjithashtu kontribuoi në kolonat zanore të filmit për Mamma Mia! dhe Mamma Mia! Here We Go Again, si dhe albumi i rikthimit të grupit në vitin 2021, Voyage./limit.al
