Quhet HAMLET (Human Alpha-lactalbumin Made Lethal to Tumor cells) dhe është e aftë të shkatërrojë qelizat e mbi 40 llojeve të kancerit. Nuk shitet në farmaci, por e përmban qumështi i gjirit.
Zbulimi i bujshëm u diskutua në 7 Prill 2017 në Firence gjatë Simpoziumit Ndërkombëtar të Ushqyerjes me Gji të paraqitur nga Guido Moro, President i Shoqatës së Bankave të Qumështit të dhuruar nga Njerëzit.
Udhëheqësja e kërkimit, Catharina Svanborg, anëtare e Akademisë Mbretërore Suedeze të Shkencave që nga 1997 shprehet: “Zbulova vetitë e kësaj molekule rastësisht. Unë studioja efektet antibakteriale të qumështit të gjirit, kërkoja mënyra për të krijuar antibiotikë të rinj natyrorë dhe kuptova se një pjesë e qumështit bëri që qelizat e kancerit të kryenin vetëvrasje”.
Grupi hulumtues në Universitetin Lund, të cilin ajo e koordinoi, ka identifikuar kështu kompleksin anti-tumor të quajtur Hamlet. Ky është kombinimi i dy përbërësve të pranishëm në qumështin e gjirit: proteina alfa-laktalbumin dhe acidi oleik, një kombinim i aftë për të vrarë mbi dyzet lloje qelizash tumorale in vitro.
“Kompleksi – vazhdon studiuesja – zvarritet në membranat e qelizave të tumorit dhe arrin bërthamën. Atje grumbullohet dhe mbush të gjithë hapësirën, duke mos lejuar që qelizat të rriten dhe tumori të përhapet. Një pjesë e vogël e molekulës së Hamletit u testua te minjtë dhe më pas tek njerëzit”.
Eksperimentimi i minjve
Eksperimenti tek minjtë tregoi se HAMLET kufizon përparimin e tumorit të trurit dhe kancerit të fshikëzës. Hamleti, i administruar me ujë, gjithashtu ofron veprim terapeutik kundër zhvillimit të kancerit të zorrës së trashë. Një rezultat që mund të çojë në një zhvillim të kompleksit për të parandaluar tumoret në subjekte të predispozuar gjenetikisht ndaj sëmundjes.
Eksperimentimi njerëzor
Tek njerëzit ai eliminoi papillomat e lëkurës dhe në rastin e kancerit të fshikëzës, qelizat e sëmura u ekskretuan me urinë duke lënë të paprekur indet e shëndetshëm. Për këtë arsye, pjesa e molekulës së riprodhuar në mënyrë sintetike në laborator mund të bëhet një ilaç antikanceroz i fuqishëm dhe revolucionar, pa efekte anësore.
“Është herët për të përcaktuar një datë se kur HAMLET do të bëhet një ilaç i disponueshëm në treg, – shpjegoi Svanborg – por ne po punojmë shumë. Burimet për provat e para klinike i gjetëm në fund të vitit 2015, të cilat u zhvilluan shpejt dhe na çuan në fillimin e fazës së provës klinike. Kam besim tek fondet që do të na lejojnë të vazhdojmë dhe ta bëjmë HAMLET-in një ilaç për pacientët me kancer. Duke marrë parasysh fillimin e tij, një studim i thjeshtë mbi vetitë antibakteriale të qumështit të njeriut, ky projekt tashmë ka marrë një rrugë të gjatë”.
Rezultatet e hulumtimit HAMLET janë botuar, midis revistave të tjera shkencore, në revistën New England Journal of Medicine, Nature Review Gastroenterology and Proceedings of the National Academy of Science (PNAS).
Burimi / https://telodicemamma.com
