Gjatё tё shtёnave nё kompleksin tregtar nё El Paso tё Teksasit, sipas tё dhёnave tё autoriteteve, kanё gjetur vdekjen tё paktёn 20 vetё. Njё i dyshuar ёshtё arrestuar. Sipas tё dhёnave zyrtare bёhet fjalё pёr njё tё bardhё 21 vjeҁar. Shumica e viktimave, sipas policisё, janё prekur prej plumbave nё njё supermerkato Walmart. Nё kohёn e atentatit nё kёtё dyqan, sikurse vlerёsohet, mund tё kenё qenё rreth 1000 deri nё 3000 vetё. Kryetari i bashkisё sё El Pasos Dee Margo tha, se i dyshuari vjen nga kjo zonё. Sipas mediave nё SHBA ai vinte nga qyteti Allen nё veri tё Dallasit, rreth 930 km nё vijё ajrore larg El Pasos.
Shefi i policisё sё El Pasos, Greg Allen vё nё dukje, se ka njё manifest, prej nga kuptohet qё motivi i krimit mund tё ketё qenё urrejtja. Nё tekst -sipas policisё – ndёr tё tjera shkruhet pёr njё „invazion hispanik”. Megjithatё ende nuk ёshtё konfirmuar nёse ky mesazh luftarak ёshtё shkruar prej vet atentatorit. Presidenti meksikan Andrés Manuel López Obrador nё njё video-mesazh komunikon, se ndёr tё vdekurit janё tre meksikanё. Sipas tё dhёnave tё Ministrisё sё Jashtme janё plagosur edhe gjashtё meksikanё tё tjerё, ndёr ta edhe njё vajzё dhjetё vjeҁ.
Nёntё tё vdekur gjatё tё shtёnave nё Dayton
Disa orё pas aktit tё dhunёs nё El Paso njё person i armatosur vrau nё Dayton nё shtetin federal tё SHBA-sё Ohio nёntё vetё dhe plagosi 16 tё tjerё. Kёtё e komunikoi policia gjatё natёs. Vet atentatori gjithashtu ka vdekur, thuhet mё tej. Policia Federale, FBI, po heton nё vendin e ngjarjes. Sipas mediave, tё shtёnat kanё qenё nё afёrsi tё njё bari nё Oregon nё distriktin nё qendёr tё Daytonit. Ndёrkohё nuk mund tё jepen tё dhёna pёr gjendjen e tё plagosurve, tha njё zёdhёnёse e spitalit. Policia u bёri thirrje dёshmitarёve okularё qё tё paraqiten pёr tё ndihmuar hetimet. Lidhur me motivet dhe identitetin e dorasit ende nuk janё publikuar tё dhёna.
Tё plagsur pas tё shtёnave nga njё makinёnё Çikago
Shtatё vetё u plagosёn nё Çikago nё shtetin e Ilinoisit nga tё shtёnat. Nё afёrsi tё njё parku nga njё makinё ёshtё qёlluar nё drejtim tё njё grupi njerёzish, njoftoi policia. Njё 21 vjeҁar ka marrё plagё me rrezik pёr jetёn. Sfondi i sulmit nuk ёshtё i qartё. Arrestime nuk ka pasur, bёhet e ditur mё tej.
Tё martёn (28.07) dy vetё nё shtetin federal tё Misisipit u vranё nga tё shtёnat nё njё superkmerkato Walmart. Nё fundjavёn e kaluar njё 19 vjeҁar hapi zjarr gjatё njё festivali nё qytetin e vogёl Gilroy nё veri tё Kalifornisё duke lёnё tё vrarё tre vetё. Atentatori u qёllua nga policia.
vfb/dpa/dw
