Sipas hulumtimit të Këshillit Evropian për Marrëdhëniet me Jashtë, me seli në Londër dhe Fondacioni Stiftung Merkator, me seli në Essen, vendet me më shumë ndikim në BE janë Gjermania, Franca, Britania e Madhe dhe Holanda, ndërsa ish- republikat jugosllave Sllovenia dhe Kroacia janë në fund të listës.
Sllovenia dhe Kroacia janë në pozitën 25 në aspektin e ndikimit të përgjithshëm në bllok, ku ato ndajnë pozicionin me Bullgarinë dhe Maltën, por edhe kur bëhet fjalë për cilat vende kanë një ndikim në politikat e BE, ku ato janë gjithashtu në vendin 25 , së bashku me Letoninë dhe Maltën, sipas studimit “Eksploreri i Koalicionit të BE”.
Këshilli Evropian i Marrëdhënieve me Jashtë ka bërë një raport bazuar në pyetjet e ngritura nga 877 ekspertë nga të gjitha vendet anëtare të BE-së, “aktive në politikën e BE-së”, pavarësisht nëse janë ekspertë të medias, qeveritë e vendeve apo instituteve.
Kur bëhet fjalë për prioritetet, hulumtimi ka treguar se Sllovenia është më aktive në politikën e përbashkët të azilit, një politikë fiskale unike, një treg unik dhe një monitorim unik të Eurozonës.
Sondazhi gjithashtu tregoi se Hungaria është vendi që “zhgënjen më së shumti”, ndërsa Sllovenia renditet e 16-ta, si një nga vendet që kanë zhgënjyer më së paku në dy vitet e fundit.
