Kemi dëgjuar shpesh se kërcitja e kockave të duarve mund të jetë e dëmshme për shëndetin, pasi mund të shkaktojë artrit.
Sipas mjekëve nuk ka asnjë efekt anësor kërcitja e kockave dhe nuk ka asnjë lloj lidhje me sëmundjen e artritit.
Nyjet e duarve që lidhin gishtat me pjesën tjetër të dorës, kanë disa hapësira të mbushura me lëng që quhet lëngu sinoval.
Në gjuhën e përditshme atë mund ta krahasosh me një lloj grasoje që lejon lëvizjen e kockave por pa lejuar fërkimin mes tyre.
Kur kockat kërciten, zmadhohet hapësira mes këtyre nyjeve dhe kockave. Kështu lëngu sinoval shkon në hapësirën e re të krijuar, dhe në këtë moment është zhurma që ne dëgjojmë.
Por kjo nuk ka asnjë efekt anësor, pasi pas disa kohësh ajo që do të ndodhë është thjesht kërcitja më e lehtë e kockave.
