E mërkurë, 18 nëntor 2026

Rubrikat

Mbështet Limit.al

MBRETËRESHA SUZAN CULLEN-WARD ZOGU E SHQIPTARËVE U NDERUA ME ÇMIMIN “MBRETËRESHA TEUTA”

Këto ditë në Muzeun Historik në Tiranë, Akademia Monarkiste Shqiptare organizoi veprimtarinë “Akademia e Çmimeve”, ku u ndanë çmimet “Mbretëresha Teuta”, “Justiniani i Madh”, Konstandini i Madh”, “Niket Dardani” e “Lekë Dukagjini” për personalitete të shkencës, monarkisë, diplomacisë, historisë, politikës, arsimit e kulturës si dhe për institucione të arsimit, etj.

Me Çmimin “Mbretëresha Teuta” u nderua Mbretëresha Suzan Cullen-Ward ZOGU e Shqiptarëve, me Vendimin nr. 16, dt. 17 shkurt 2017, me këtë Motivacion:  “Për kontributet e çmuara të Madhërisë së Saj – me origjinë irlandeze e lidhje gjaku me Mbretin Eduard të Anglisë, në forcimin e marrëdhënieve të mira mes Shqipërisë e Australisë (vendlindjes së saj, më 1941) si dhe me SHBA me anë të “Fondacionit Kulturor për të Ardhmen e Shqipërisë në SHBA”; në promovimin e historisë e kulturës dhe të marrëdhënieve të mira të Shqipërisë e të Kosovës me vendet monarkiste në botë”.

Në emër të Akademisë Monarkiste Shqiptare, ky Cmim i Madh, iu dorëzua nga prof. dr. Mixhait Reci – president i Universitetit Mbretëror “Iliria” në Prishtinë.

 Në emër të Oborrit Mbretëror Shqiptar, këtë Cmim të lartë, e mori përfaqësuesi i Tij në këtë event solemn, mbretërori e legalisti i njohur Beniamin Bakalli, njëherash botuesi i gazetës “Atdheu”(online).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë