E mërkurë, 18 nëntor 2026

Rubrikat

Mbështet Limit.al

Konsultime për minimizimin e “lirisë digjitale” ndaj pronësisë intelektuale

Drejtoria për të Drejtat e Autorit pranë Ministrisë së Kulturës dhe projekti ALSIP organizoi sot një seminar me ekspertë ndërkombëtarë të fushës së komunikimit e teknologjisë si dhe grupe interesi, për t’u njohur me direktivat dhe orientimet e Bashkimit Europian për përafrimin e legjislacionit tonë me atë të BE-së dhe ngritjen e mekanizmave rregullatore.

Zhvillimet teknologjike, zgjerimi i mediumeve të komunikimit kanë sjellë me vete përveç lehtësirave të jashtëzakonshme edhe problematika të reja. Bashkë me shpejtësinë e komunikimit, të përçimit të informacionit, popullarizimit të krijimtarisë artistike, janë shtuar edhe mundësitë e shkeljes së të drejtave të autorit.

Pikërisht për të shqyrtuar mundësitë e zgjidhjes së këtyre problematikave, u mbajt ky takim, ku e pranishme ishte edhe ministrja e Kulturës, Elva Margariti.

“Ky është një hap i parë që do të pasohet me të tjera konsultime dhe iniciativa që do të na çojnë drejt minimizimit të impaktit negativ që “liria” digjitale ka për krijimtarinë artistike dhe pronësinë intelektuale”, shkroi ministrja Margariti në rrjetet sociale./atsh/KultPlus.com

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë