E mërkurë, 18 nëntor 2026

Rubrikat

Mbështet Limit.al

Takos meksikan të shpejtë dhe shumë të shijshme

Përbërësit: 10 pite misri të forta, 500 gr salçiçe e freskët, 3 lugë gjelle salcë domatesh, spec i kuq djegës, spec i kuq i ëmbël, piper i zi i sapobluar

Për salcën e avokados: 1 avokado e pjekur, 1 domate, 1 qepë e njomë, 1/2 limon jeshil (lëngu), 1/2 tufe koriandër e freskët, 2 lugë gjelle vaj ulliri

Për salcën me kos: 3 lugë gjelle salcë kosi, 1 lugë gjelle kos, 1/2 limon jeshil (lëkura)

Përgatitja: Përgatisim përbërjen me salçiçe duke eleminuar lekurën e hollë që i rrethon dhe duke i ndarë në copa të vogla. I vendosim në tigan në zjarr të lartë pa vaj dhe fillojmë t’i shtypim me dhëmbët e një piruni derisa të ndryshojnë ngjyrë, të lëshojnë yndyrën e tyre dhe të skuqen. Shtojmë salcën e domateve, specin e kuq djegës, specin e kuq të ëmbël, piperin e zi dhe i heqim nga zjarri duke i vendosur në një tas.

Përgatisim salcën me avokado: Shtypim avokadon e butë me dhëmbët e një piruni, shtojmë domaten e prerë në copa të vogla, qepën e njomë të prerë hollë, lëngun e limonit jeshil, koriander të grirë hollë dhe pak vaj ulliri duke i përzier shumë mirë.

Përgatisim salcën me kos: Përziejmë në një enë salcën e kosit me kosin dhe lekurën e limonit jeshil.

Marrim pitet e misrit të gatshme dhe i mbushim në fillim e një lugë gjellë salçiçe, një lugë çaji salce me avokado dhe pak salcë me kos. /Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi