E mërkurë, 18 nëntor 2026

Rubrikat

Mbështet Limit.al

Sa kohë mund ta mbani gjelin e detit të pa gatuar në frigorifer?

Të gjithë kemi synimin që t’i blejmë sa më shpejt ushqimet që nevojiten për përgatitjen e darkës së fundvitit.

Frigoriferi mezi i mban të gjithë produktet që duhet të qëndrojnë të freskëta derisa t’u vijë momenti i gatimit.

Por para se të shkoni e të blini gjelin e detit duhet të dini si ta ruani atë në frigorifer.

AgroWeb.org ju sjell në këtë artikull disa këshilla për ruajtjen e tij por dhe informacione të vlefshme rreth kohës që mund ta mbani.

Frigorifer apo Ngrirje?

Në varësi të momentit që e blini ju duhet të keni parasysh që gjeli i detit qëndron i freskët në frigorifer vetëm për dy ditë.

Për sa i përket ngrirjes, në këtë metodë gjeli i detit mund të qëndrojë deri në 10 muaj i freskët.

Këshilla të vlefshme për ruajtjen e gjelit të detit

Gjeli i freskët mund të mbahet në frigorifer por edhe në ngrirje atëherë kur ju nuk e keni nxjerrë nga paketimi.

Nëse ju e hapni paketimin atëherë duhet patjetër ta zieni apo piqni.

Diçka e tillë ju vlen kur gjelin e blini të ngrirë në markete.

Nga ana tjetër nëse gjelin e blini tek dyqanet e mishit, është e mira që ta mbështillni me qese kuzhine apo qese vakumi.

Gjeli i blerë në dyqanet e mishit është i sapo therur dhe sigurisht që është më i freskët.

Nëse e blini një apo dy ditë para vitit të ri, mjafton ta ruani në frigorifer.

Por nëse e keni blerë më shpejt duhet patjetër ta vendosni në ngrirje të mbështjellë siç e përmendëm më lartë.

Shkrirja e Gjelit të Detit në mënyrën e duhur

Ky proces vlen vetëm nëse gjelin e detit e keni vendosur në ngrirje.

Për shkrirjen e tij ka dy mënyra shumë të thjeshta; përmes frigoriferit dhe me ujë të ftohtë.

E para ka të bëjë me zhvendosjen e gjelit nga ngrirja në pjesën e poshtme të frigoriferit.

Vetëm sigurohuni që ta vendosni mbi një tavë dhe që të llogarisni mirë kohën.

Për shkrirjen e një gjeli rreth 1 kg do t’ju duhen minimalisht 10 orë.

Mënyra e dytë lidhet me zhytjen e gjelit në një enë të madhe me ujë të ftohtë.

AgroWeb.org ju këshillon që ta ndryshoni ujin çdo 1-2 orë.

Për shkrirjen totale të një gjeli rreth 1kg me këtë metodë do t’ju duhen rreth 2 orë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi