E mërkurë, 18 nëntor 2026

Rubrikat

Mbështet Limit.al

Receta e ditës/ Qofte të vogla me salcë specash

Përbërësit për 4 persona:

Për qoftet:

400gr mish të grirë viçi

30gr djathë kaçkavall të grirë dele

2 lugë galetë

1 vezë

1 tufë majdanoz

1 thelbi hudhër

2 lugë plot miell

Për salcën me speca:

200gr salcë domatesh                                                                                                                                                                            3 speca (1 i kuq, 1 i verdhë, 1 jeshil)                                                                                                                                                                                                           vaj ulliri                                                                            kripë                                                                                                                                                                                                           piper

Përgatitja:

Lajmë dhe pastrojmë specat duke i hequr fijet dhe farat e brendshme dhe i presim në copa me madhësi të njëjtë.

I kavërdisim në pak vaj ulliri në zjarr të lartë derisa të marrin ngjyrë duke i përzierë shpesh. I rregullojmë me kripë, shtojmë salcën e domateve duke i përzierë të gjitha bashkë dhe i lëmë në zjarr të ulët të gatuhen për rreth 20 minuta.

Në një tas, bashkojmë mishin e grirë të viçit, vezën, djathin e grirë, galetën, majdanozin dhe hudhrën e grirë hollë dhe i përziejmë me kujdes me dorë derisa të përftojmë një përbërje homogjene të cilës i shtojmë edhe pak kripë e piper (kujdes, pasi djathi kaçkavall është vetë i kripur).

Lagim duart dhe formojmë qofte të vogla me madhësinë e një arre, i kalojmë në miell dhe i skuqim për pak minuta në një tigan tjetër me pak vaj ulliri duke i përzierë shpesh derisa të marrin ngjyrë të artë.

Në fund, shtojmë qoftet tek salca me speca dhe e servirim të ngrohtë ose në temperaturë ambienti.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi