E mërkurë, 18 nëntor 2026

Rubrikat

Mbështet Limit.al

Receta e ditës/ Fileto pule deti me salcë

Për 4-6 persona nevojiten:

750 gr kimë pulë deti
1 bukë e vogël
2 vezë
2 qepë të thata të grira hollë
1 tufëz majdanoz e prerë hollë
1 lugë gjelle mustardë
1 lugë kafeje rigon
2 lugë gjelle vaj luledielli
kripë e piper

Për salcën shoqëruese:

½ filxhan çaji kos i kulluar
½ filxhan çaji majonezë
1 lugë gjelle mustardë pikante
lëngu dhe lëkura e grirë e 1 limoni
1 degë seleni e prerë hollë
kripë e piper

Përgatitja:

Njomim bukën në ujë dhe e shtrydhim mirë. E copëtojmë në një tas dhe shtojmë kimën, qepën, majdanozin, vezët, mustardën, rigonin, vajin, kripën e piperin. E mbrujmë mirë masën. Nëse është shumë e ngjeshur, shtojmë pak vaj ose qumësht, ndërsa nëse është tejet e butë, i shtojmë pak galetë të bluar.

Pasi ta kemi mbrujtur, e lëmë kimën në frigorifer për rreth 1 orë. Në vazhdim, e nxjerrim nga frigoriferi dhe formojmë fileto në formë të rrumbullakët, duke i shtypur pak me dorë sipër. I pjekim në skarë ose në furrë.

Pasi filetot të jenë gati, përgatisim salcën shoqëruese. Hedhim të gjitha lëndët në mikser dhe i rrahim derisa të dalë një masë homogjene dhe i servirim filetot me salcën e përgatitur.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi