E mërkurë, 18 nëntor 2026

Rubrikat

Mbështet Limit.al

Receta e ditës/ Biskota Daneze me gjalp

Përbërësit për rreth 25 biskota:

170 gr miell

130 gr gjalp

70 gr sheqer pluhur

1 bustinë vanilje

1 të bardhë veze

pak kripë

Përgatitja:

Nxjerrim gjalpin nga frigoriferi dhe e lëmë në temperaturë ambienti për të paktën 5 orë (ose e nxjerrim në mbrëmje dhe biskotat i përgatisim të nesërmen).
Në një enë vendosim gjalpin tashmë të zbutur me sheqerin pluhur, vaniljen dhe i përziejmë me ndihmën e një mikseri me shpejtësi maksimale për pak minuta.

Në një tas tjetër, rrahim të bardhën e vezës derisa të formohet një masë e qëndrueshme, e bashkojmë me përbërjen e mësipërme dhe vazhdojmë përzierjen edhe për pak çaste. Në këtë moment shtojmë miellin e situr, pak kripë dhe i përziejmë sërish derisa të formohet një brum kremoz.

E lëmë të pushojë në këtë mënyrë për të paktën gjysmë ore në frigorifer dhe pasi të kalojë kjo kohë, i japim biskotave formën që dëshirojmë (është më mirë nëse formojmë me to sfera të vogla të cilat i shtypim në mes) dhe i pjekim për rreth 10-12 minuta në temperaturën 160 gradë derisa të ngurtësohen, por jo të marrin ngjyrë në sipërfaqe.

*Këshillë: Në mënyrë që biskotat të mos rezultojnë të papjekura në brendësi, mundohuni të mos i bëni shumë të trasha. Shija gjithsesi është e njejtë!

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi