E mërkurë, 18 nëntor 2026

Rubrikat

Mbështet Limit.al

Mesnik

Përbërësit: 1 kg mish kokë viçi, 1 pako peta të pjekura, 1-2 peta të njoma të hapura vetë ose të gatshme, 2-3 qepë të thata, pak nenexhik, kripë, piper vaj ulliri.

Përgatitja: Në një tenxhere me ujë të ngrohtë hedhim 4-5 kokrra piper dhe vendosim mishin ose kokën për tu zier.

Nëse kemi kokë viçi e lemë fillimisht për 3-4 orë në ujë të bollshëm dhe pastaj e vendosim të zihet. Gjatë zierjes largojmë herë pas here shkumën që do të lëshojë mishi.

Pasi mishi të jetë zjerë e copëtojmë në copa të vogla.

Marrim një tavë, e lyejmë me vaj dhe shtrojmë 2 peta njëra pas tjetrës duke i spërkatur me pak vaj. Mbi petët e njoma thërrmojmë petët e pjekura.

Në një tigan kavardisim qepët e grira hollë dhe sapo të zbuten shtojmë 2-3 garuzhde lëng mishi dhe i lemë qepët të marrin pak valë.

Rregullojmë shijen me kripë dhe piper dhe i hedhim qepët e kavardisura mbi petët e pjekura të cilat i kemi spërkatur me pak nenexhik të freskët.

E vendosim byrekun kështu siç është në furrë të nxehtë për 15 -20 minuta. Pas këtij minutazhi e nxjerrim mesnikun nga furra dhe shtojmë mishin e copëtuar duke e përhapur në të gjithë sipërfaqen e tavës.

E spërkasim me lëngun e mbetur dhe e vendosim përsëri në furrë dhe për 10-15 minuta të tjera.

Ju bëftë mirë! /receta-gatimi.info /Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi