E mërkurë, 18 nëntor 2026

Rubrikat

Mbështet Limit.al

Fileto pule me salcë portokalli

Përbërësit: 4 fileto pule, 2 lugë gjelle vaj ulliri, 10 fara koriandër, 2 portokalle( lëkura + lëngu), 1 gotë verë të bardhë, 2 lugë gjelle mjaltë, kripë, piper i zi

Përgatitja: Në një tigan shtojmë vajin e ullirit dhe vendosim filetot e pulës të prera në shirita të kavardisen. I hedhim kripë dhe piper të zi dhe më pas i shuajmë me verë të bardhë. Sapo të avullojë vera, shtojmë lëkurën dhe lëngun e portokallit dhe e lëmë gatimin të marrë valë. Në fund shtojmë mjaltin dhe e lëmë dhe për 2-3 minuta të tjera në zjarr sa salca të lidhet.

Ndërkohë përgatisim purenë e patates me të cilën do të shoqërojmë pulën me salcë.

Për purenë nevojiten: 6 patate të ziera, 6 feta pançetë, 2 qepë të njoma, ½ tufë majdanoz, 2 lugë gjelle vaj ulliri, 2 lugë gjelle qumësht, kripë, piper i zi

Vendosim fillimisht patatet të ziejnë. Më pas në një tigan kavardisim qepët e njoma së bashku me pançetën. Shtojmë më pas patatet e ziera, 2 lugë qumësht ose dy lugë nga uji i zierjes së patateve dhe i shtypim ato me anë të një piruni. I shtojmë puresë kripë, piper dhe majdanoz dhe më pas e servirim me pulën me salcë portokalli.

T’ju bëjë mirë! /BalkanWeb.com /Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi