E mërkurë, 18 nëntor 2026

Rubrikat

Mbështet Limit.al

Qeveria e Japonisë i jep fund përdorimit të “Floppy Disqeve”

Qeveria japoneze më në fund e ka kuptuar se nuk janë më vitet e 90-ta, dhe ka konfirmuar se i ka dhënë fund përdorimit të “floppy” disqeve.

Përdorimi i teknologjisë së vjetërsuar nga Japonia është kthyer në titujt kryesorë këtë javë, pasi qeveria japoneze thuhet se shpalli fitoren në përpjekjet e saj për t’i dhënë fund përdorimit të “floppy” disqeve.

Ministri japonez i Dixhitalizimit, Taro Kono, informoi Reuters-in të mërkurën se “kanë fituar luftën me disketat gjatë 28 qershorit”.

Kono ka qenë gjithashtu i zëshëm për largimin e makinerive të faksit dhe teknologjive tjera analoge në qeverinë japoneze.

Nga mesi i qershorit 2024, ministria e Dixhitalizimit në Japoni, organi qeveritar përgjegjës për udhëheqjen e transformimit dixhital të vendit, kishte hequr të gjitha 1034 rregulloret që rregullonin përdorimin e disketave, me përjashtim të një përdorimi mjedisor që lidhet me riciklimin e automjeteve.

Sipas Reuters, ajo ishte krijuar gjatë pandemisë Covid-19 në vitin 2021, gjatë përpjekjeve për të kryer testimin dhe vaksinimin mbarëkombëtar, dhe kishte zbuluar se qeveria japoneze ende mbështetej në dosjet e letrës dhe teknologjinë e vjetërsuar.

“Floppy” disku është një teknologji e tillë e vjetërsuar, për faktin se nga fundi i viteve 2000, kompjuterët prodhoheshin rrallë me disqe të përfshira.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi