E mërkurë, 18 nëntor 2026

Rubrikat

Mbështet Limit.al

Vetmia – e dëmshme sa 15 cigare në ditë

Vetmia vërtet vret. Mungesa e miqve të mirë dhe izolimi social dëmtojnë shëndetin në të gjitha mënyrat e mundshme, përcjell “Prevention”.

Hulumtimi i fundit në këtë temë ka treguar se vetmia e dëmton shëndetin sa edhe trashësia apo 15 cigare në ditë.

Shkencëtarët britanikë kanë konstatuar gjithashtu se të paktën tre miq të ngushtë në mënyrë të konsiderueshme e rrisin ndjenjën e lumturisë dhe të kënaqësisë me jetën.

Shoqëria e redukton nivelin e stresit, zvogëlon rrezikun e depresionit dhe individit i jep kuptim të jetës. Megjithatë, shumë njerëz nuk mbajnë kontakte me të njohurit dhe miqtë e vjetër, dhe nuk janë të aftë të gjejnë miq të rinj.

E vërejmë se me kalimin e viteve është më e vështirë të gjeni miqësi. Bëheni më kritik, më selektiv dhe personave të rinj u qaseni me shumë më tepër dyshim se më parë, gjë që në fund ju dëmton juve më së shumti.

Si të bëni miq?

Kontaktoni miqtë e vjetër – Atyre sigurisht do t’u vijë mirë ashtu si edhe juve. Nëse keni ndërprerë shoqërimin pa ndonjë arsye të veçantë, filloni të shoqëroheni përsëri.

Inkuadrohuni në ndonjë grup njerëzish – Miqësitë e mira janë më shpesh ato që në mesin e njerëzve ndajnë interesa dhe përvoja të ngjashme. Bashkojuni grupit të njerëzve, i cili ka të njëjtat interesa si ju dhe do të befasoheni këndshëm.

Inkuadrohuni në bisedë – Bëni pyetje dhe mos i harroni përgjigjet. Bisedat për gjëra të përgjithshme janë të shkëlqyeshme për fillimin e bisedës. Është e rëndësishme që të kushtoni vëmendje dhe ta përcillni atë që e thotë bashkëbiseduesi.

Shfrytëzoni çdo mundësi për t’u shoqëruar – Ndoshta më me dëshirë do të qëndronit në shtëpi të mbuluar me një batanije dhe të shikonit televizor, por kështu nuk do të bënit miq. Nëse nuk jeni tipi i personit që i pëlqen të shkojë në klube, ftoni ndonjë grup të miqve tek ju apo organizoni takime në natyrë.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet