E mërkurë, 18 nëntor 2026

Rubrikat

Mbështet Limit.al

Raporti i OBSH: Mbi 90% e fëmijëve në botë thithin ajër toksik

Organizata Botërore e Shëndetësisë (OBSH) tha se më shumë se nëntë në dhjetë fëmijë në botë thithin ajër toksik në baza ditore – çfarë ka rezultuar me vdekjen e rreth 600,000 fëmijëve në vitin 2016.

Në një raport të publikuar të hënën, OBSH tha se rreth 93% e fëmijëve në botë, nën moshën 15 vjeç, thithin ajër që është aq i ndotur “saqë vë shëndetin dhe zhvillimin e tyre në rrezik serioz”.

“Kjo është e pafalshme. Çdo fëmijë duhet të jetë në gjendje të thithë ajër të pastër, në mënyrë që të rritet dhe të përmbushë potencialin e tij të plotë”, tha përmes një deklarate drejtori i përgjithshëm i OBSH-së, Tedros Adhanom Ghebreyesus.

Sipas raportit, 98% e fëmijëve nën moshën 5-vjeçare në vendet me të ardhura të vogla ose të mesme në Afrikë, Azi Juglindore dhe Mesdheun Lindor janë të ekspozuar ndaj ajrit të ndotur në nivele mbi udhëzimet e OBSH-së, krahasuar me 52% të pesëvjeçarëve në vendet me të ardhura të mëdha.

Sipas OBSH-së, fëmijët janë më të cenueshëm ndaj efekteve të ndotjes së ajrit, pasi ata marrin frymë më shpejt se të rriturit dhe në këtë mënyrë thithin më shumë ndotës.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet