Jemi rritur dhe po rrisim fëmijët tani me idenë që të ndarit të gjërave është virtyti më i mirë. Por a mundet vërtetë një fëmijë ta kuptojë se çdo të thotë të ndajë gjërat e tij të parapëlqyera me të tjerët? Sa herë i kemi detyruar e i kemi bërë të qajnë vetëm se u kemi marrë lodrat nga duart për t’ia dhënë një fëmije tjetër?
Sipas psikologëve, prindërit nuk duhet t’i detyrojnë fëmijët të ndajnë gjërat e tyre pa dëshirë sepse kjo shoqërohet me jo pak efekte negative.
Është e dobishme për fëmijën tuaj që ata vetë të gjejnë zgjidhjen e problemit
Kur bëhet fjalë për zgjidhjen e konfliktit mes fëmijëve, ekspertët dhe psikologët mbrojnë tezën se prindërit duhet të qëndrojnë sa më larg. Fëmijët mund të zhvillojnë aftësitë sociale afatgjata vetëm duke zgjidhur problemet vetë kur ata nuk pengohen nga një i rritur.



