E mërkurë, 18 nëntor 2026

Rubrikat

Mbështet Limit.al

Mosvaksinimi, sa i rrezikshëm është?

Një adoleshent nga shteti Ohajo i cili sfidoi nënën e tij dhe u vaksinua ndaj disa sëmundjeve të rrezikshme, ishte dëshmitari kryesor gjatë një seance dëgjimore të Senatit të martën.

18 vjeçari Ethan Lindenberger bëri bujë në media vitin e kaluar kur postoi në rrjetet sociale mesazhe se sipas prindërve të tij, vaksinat janë “skemë e qeverisë” dhe kërkoi udhëzime se si të mbronte veten. Linderberger tha në seancë se kërkimet e tij e bindën se vaksinat janë të sigurta.

Ai tha se dashuria e nënës së tij, dhembshuria dhe kujdesi janë të dukshme por theksoi se shkolla e tij në Noruak të Ohajos (Norwalk, Ohio) e shihte atë si “kërcënim për shëndetin e të gjithëve” nga rreziku se ai mund të prekej nga ndonjë sëmundje ngjitëse që mund ta merrnin edhe të tjerët.

“U rrita me idenë e nënës times se vaksinat janë të rrezikshme. Ajo fliste hapur për këtë. I shprehte shqetësimet si në internet edhe personalisht dhe mendimet e saj hasën në kritika të ashpra. Gjatë rrjedhës së jetës sime u mboll fara e dyshimit dhe më lindën pikëpyetje si rezultat i reagimeve që merrte nëna. Por koha kalonte dhe kjo nuk po sillte rezultat.”

Linderberger tha se kërkimet e tij e bindën se vaksinat janë të sigurta. Pa miratimin e nënës, ai u vaksinua kundër fruthit, hepatitit, gripit, tetanozit e disa sëmundjeve të tjera.

Seanca dëgjimore në Senat për vaksinat u thirr pjesërisht për të diskutuar mbi përhapjen e fruthit në Shtetet e Bashkuara. Deri tani ka njoftime për 200 raste në 11 shtete ku më rëndë është prekur rajoni mes Oqeanit Paqësor dhe Vargmaleve Kaskejd.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet