Shumë prej nesh vendosin ta nisin mëngjesin e tyre me një filxhan kafeje, por kjo mund të mos jetë mënyra e duhur. Në fakt aspak! Sipas specialistëve, koha e duhur është ajo e mëngjesit të vonë, 9:30-11:30, por jo më herët. Ky artikull do t’ju njohë me efektet anësore të kafesë, kur kjo e fundit konsumohet në orët e para të mëngjesit.
Mund të ndiheni më të përgjumur
Kafeja është një “pije zgjimi” për shumë prej nesh, por rrufitja e saj sapo zgjoheni nga gjumi mund të ketë efekt të kundërt. Kafeina dyfishon nivelet e hormoneve të stresit dhe mund të çojë në probleme me gjumin, gjë që rezulton në lodhje. Nëse e filloni ditën tuaj me një filxhan kafeje me sheqer, mund të ndiheni të përgjumur pas një periudhe të shkurtër kohe. Kjo ndodh sepse trupi ynë prodhon insulinë për të kompensuar sheqerin, duke bërë që nivelet e glukozës në gjak të bien, gjë që rezulton në mungesë energjie dhe ankthi.



