E enjte, 19 nëntor 2026

Rubrikat

Mbështet Limit.al

A munden “snacks” të ndihmojnë gjumin?

Brandi i çokollatës Alice Mushrooms ka fituar popullaritet të madh që prej tre vitesh. Produkti i tyre kryesor, “Nightcap”, tashmë gjendet në 2 mijë dyqane në SHBA dhe pretendon të ndihmojë për një gjumë më të mirë.

Nightcap përmban kërpudha dhe kamomil, të njohura për efektet qetësuese, si dhe magnez dhe zink, që rrisin nivelin natyral të melatoninës, hormonit që nxit gjumin. Përveç kësaj, çokollata përmban L-theanine, aminoacid nga çaji jeshil, i cili ndihmon në relaksim.

Charlotte Cruze, bashkëthemeluese e Alice Mushrooms, thotë se shumë kohë u kushtua formulimit të çokollatës për gjumë: “Ne punuam me mjekë, studiues dhe specialistë të produktit për të krijuar diçka që ndihmon çdo pjesë të ciklit të gjumit.”

Sipas një sondazhi në SHBA, 47% e amerikanëve përdorin ndihmues për gjumë, me suplementet natyrale si melatonina që janë më të popullarizuara sesa medikamentet me recetë. Në Mbretërinë e Bashkuar, megjithatë, produktet farmaceutike mbeten më të përdorurat, edhe pse segmenti i zgjidhjeve natyrale po rritet më shpejt.

Ekspertët paralajmërojnë se efektet e përbërësve si kamomili dhe L-theanine në gjumë janë të kufizuara, dhe përdorimi i shumë produkteve të tilla mund të sjellë “grumbullim doze”. Dr Kat Lederle nga Londra thekson: Një çokollatë apo bare për gjumë mund të ndihmojë, por nuk adreson gjithmonë shkakun real të problemit.

Megjithatë, trendi i “sleep treats” po rritet, ndërsa konsumatorët preferojnë mënyra natyrale dhe kënaqësi më të shijshme për të përmirësuar gjumin.

Të fundit

  1. Opinione

    Trazira në Europë, aty ku Perëndimi i trazuar takohet me Lindjen paqësore
  2. Aktualitet

    Turizmi botëror drejt rekordit: 1.57 miliardë mbërritje më 2026
  3. Bota

    BE – Nga 1 nëntori tarifë e re prej 2 Eurosh për blerjet online nga jashtë Unionit
  4. Bota

    NASA – Pas 22 vitesh në hapësirë, teleskopi Swift drejt rikthimit në Tokë
  5. Shkencë dhe zbulime

    Energjia e erës dhe biodiversiteti: Miliona lakuriqë nate vdesin nga turbinat

Më shumë nga Aktualitet