E mërkurë, 18 nëntor 2026

Rubrikat

Mbështet Limit.al

Zbulohet ngjyra më e vjetër në botë

Sipas një studimi të publikuar së fundi, ngjyra e flokëve të sheqerit, çëmçakëzit dhe flamingove është ngjyra më e vjetër në botë.

Kërkuesit i zbuluan pigmentet e lashta rozë në gurët 1.1-miliardë-vjeçarë nën Shkretëtirën e Saharasë, në Basinin Taoudeni në Mauritani, Afrika Perëndimore. Gjeologjikisht, pigmentet në fjalë janë ngjyra më e vjetër në botë.

Sipas Dr. Nur Gueneli, e cila e ndërmori studimin si pjesë e dizertacionit të doktoraturës, pigmentet rozë janë 500 milion vite më të vjetra se ato që konsideroheshin më parë më të vjetrat në botë, të cilat prodhoheshin nga organizmat e lashtë oqeanikë.

Pigmentet rozë e ndezur janë fosilet molekulare të klorofilës që prodhohej nga organizmat e lashtë fotosintetikë, të cilët jetonin në një oqean të zhdukur prej kohësh,” tha Dr. Gueneli në një lajmërim për mediat.

Kërkuesit shkërmoqën gurë miliarda-vjeçarë deri sa u kthyen në pudër të hollë, dhe më pas, ekstraktuan dhe analizuan molekulat e organizmave të lashtë brenda tyre.

Kur u holluan, pigmentet shfaqën ngjyrën rozë të ndezur. Ndërsa kur qëndrojnë të përqëndruar, pigmentet marrin ngjyra si e kuqe gjaku dhe lejla e thellë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi