E mërkurë, 18 nëntor 2026

Rubrikat

Mbështet Limit.al

Zbulimi i NASA-s: Në Mars regjistrohet tërmeti i parë

Sonda “InSight” e NASA-s ka regjistruar një zhurmë në Mars, që besohet të jetë tërmeti parë i zbuluar ndonjëherë në këtë planet.

“InSight” monitoroi tërmetin duke regjistruar sinjalin më 6 prill, por shkencëtarët e njoftuan vetëm tani këtë ngjarje. Ata janë të bindur se zhurma erdhi nga brendia e planetit të kuq.

“Po e prisnim prej muajsh një sinjal të tillë”, tha eksperti francez Philippe Lognonne, i cili është vënë në krye të eksperimentit. Sipas tij, ishte emocionuese që më në fund ka prova se Marsi zotëron aktivitet sizmik.

Planeti i kuq nuk konsiderohet gjeologjikisht aq aktiv sa Toka dhe nuk ka pllaka tektonike. Shkencëtarët ende po i analizojnë të dhënat e përftuara, ndërsa flasin për 3 sinjale të së njëjtës natyrë. Ata i entuziazmon në mënyrë të veçantë fakti që informacionet e siguruara hedhin më shumë dritë mbi bërthamën e shkrirë të Marsit.

Matësi i tërmeteve u vendos në këtë planet në muajin dhjetor, disa javë pasi sonda hapësinore arriti të zbriste në sipërfaqen e tij.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi