E mërkurë, 18 nëntor 2026

Rubrikat

Mbështet Limit.al

Studimi: Teknologjia po na shton orët e punës

Përhapja në masë e smartfonëve dhe laptopëve, po ashtu edhe ashtu edhe mundësitë për të hyrë në internet kudo ndodhemi, po na shtojnë orët e punës pa e vënë re.

Një studim i Universitetit “West England” të Bristolit arrin në përfundimin se edhe dërgimet e email-eve për çështje pune jashtë orarit zyrtar, duhet të llogariten si orë pune. Detajet e studimit u publikuan nga media britanike BBC, ku konstatohet se mbi 54% e londinezëve që udhëtojnë me metro nga shtëpia në punë dhe anasjelltas, e shfrytëzonin internetin Wi-Fi që ofrohet falas nga shërbimi i transportit publik për çështje që kishin të bënin me punën.

Për studimin u analizuan të dhënat e përdorimit të internetit të mbi 5 mijë pasagjerëve në metronë e Londrës. Rezultatet treguan se ata i kushtonin kohë përgatitjes së materialeve të punës, duke marrë nga koha e aktiviteteve të tjera të jetës së përditshme, si psh. kujdesi për fëmijët apo aktivitetet e kohës së lirë.

Studiuesit kërkojnë të bëhen studime të thelluara për efektin negativ në shëndet që mund të ketë angazhimi në çështjet e punës edhe jashtë orarit zyrtar, si dhe të shtrohet për diskutim pyetja pse ky lloj angazhimi nuk përfshihet në orët e punës?

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi