E mërkurë, 18 nëntor 2026

Rubrikat

Mbështet Limit.al

Së shpejti telefonata dhe internet gjatë fluturimeve ajrore

“Modaliteti i aeroplanit ” shumë shpejtë do të jetë vetëm një kujtim, megjithëse ka të ngjarë që ikona e aeroplanit në telefonat inteligjentë të vazhdojë të jetë e dobishme, veçanërisht jashtë Evropës.

Më 24 nëntor 2022, Komisioni Evropian dha miratimin për përdorimin e pajisjeve të lidhura me internet si telefonat inteligjentë, orët inteligjente, tabletët dhe laptopët edhe gjatë një fluturimi, duke përditësuar një ligj të vjetër të vitit 2008 dhe duke u dhënë vendeve anëtare kohë për të bere pjese frekuencat e brezit 5G për avionët deri më 30 qershor 2023.

Pasagjerët që fluturojnë brenda BE-së do të jenë në gjendje të përdorin smartfonin e tyre duke përfshirë thirrjet, siç specifikohet në një shënim zyrtar të lëshuar nga Komisioni.

Kjo mund të bëhet në lartësi të ulëta duke u lidhur me antenat e zakonshme tokësore, ndërsa në lartësi të mëdha do të jetë e mundur vetëm në aeroplanët që aktivizojnë shërbimin picocell , i cili funksionon falë një antene të montuar në trup e cila lidh rrjetin celular tokësor me satelitore dhe rinis sinjalin brenda kabinës.

Në vitin 2013, Shtetet e Bashkuara ishin të parat që ndoqën këtë rrugë, por agjencia federale dhe linjat ajrore e hodhën poshtë idenë, e cila më pas u anulua në vitin 2020.

Një risi e tillë do të ndikonte negativisht në cilësinë e udhëtimit. Pasagjerët në fakt do të detyroheshin të dëgjonin thirrjet nga udhëtarët e tjerë, dhe kjo do të çonte sipas ekuipazhit në një rritje të shqetësimit dhe mosmarrëveshjeve, duke marrë parasysh që rreth 40% e përdoruesve do të bënin telefonata gjatë fluturimit.

Edhe pse kemi teknologjitë adekuate për udhëtime të sigurta, deri më sot është preferuar që të ndalohet përdorimi i pajisjeve elektronike për shkak të ndërhyrjeve të mundshme me instrumentet në bord. /rtsh.al/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi