E mërkurë, 18 nëntor 2026

Rubrikat

Mbështet Limit.al

Pse të pasurit vendosin t’i depozitojnë paratë e tyre në bankat zvicerane?

Shumë njerëz në mbarë botën i drejtohen bankave zvicerane për të mbajtur paratë e tyre të sigurta. Faktorët që i bëjnë bankat zvicerane kaq të besueshme vijnë nga historia e vendit, sistemi teknologjik që përdorin dhe stabiliteti i tyre ekonomik.

Zviceranët kanë kohë që i mbajnë të sigurta paratë e të famshmëve, aktorëve, politikanëve apo biznesmenëve dhe bankat zvicerane janë shumë të njohura në këtë drejtim.

Por, çfarë i dallon ato nga bankat e tjera në vende të tjera të botës?

Gjithçka bazohet në historinë e përgjithshme të Zvicrës. Vendi mbeti neutral për shumë çështje kombëtare, duke përfshirë dy luftërat botërore. Pas këtij qëndrimi neutral, Zvicra, e cila zgjeroi sektorin e saj bankar, u bë shpejt një “bankier botëror”.

Qëndrimi neutral ka lejuar diktatorë dhe liderë të ndryshëm politikë të “mbrojnë” paratë e tyre në Zvicër. Terreni malor i Zvicrës ua lehtësoi gjithashtu zviceranëve krijimin e bodrumeve sekrete të mëdha. Përveç kësaj, stabiliteti ekonomik i Zvicrës ka ndërtuar gjithashtu besim të thellë në vend.

Me kalimin e kohës, Zvicra ka rritur masat e saj të sigurisë dhe ka futur shumë sisteme teknologjike. Në këtë mënyrë është bërë e pamundur qasja në identitetin e klientëve, me përjashtim të një numri të kufizuar personash. Nuk ishte e mundur të mësoheshin emrat e personave që kishin një llogari, aq më pak shuma në llogarinë bankare të një personi.

Ndërsa kjo krijoi një situatë të mirë për privatësinë, me kalimin e kohës bëri që shumë kriminelë të kontrabandonin para nga shteti helvet. Në vitet ’70, midis dy vendeve shpërtheu një “luftë”, kur kartelet e drogës në Shtetet e Bashkuara i mbanin paratë e tyre në bankat zvicerane.

Për shkak të sulmit ndaj Kullave Binjake më 11 shtator, qeveria amerikane detyroi Zvicrën të ekspozonte llogari të dyshimta, gjë që e përkeqësoi më tej situatën. Megjithatë, që nga viti 2018, Administrata Federale e Taksave Zvicerane filloi të ndajë informacionin e njerëzve që kanë llogari në bankat e tyre me vendet e tyre përkatëse.

Ndonëse do të ishte e gabuar të thuhet se bankat zvicerane janë ende po aq të besueshme sa kanë qenë më parë, ato janë ende shumë të besuara për privatësinë dhe mbrojtjen e aseteve.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi