E mërkurë, 18 nëntor 2026

Rubrikat

Mbështet Limit.al

Pasaportat më të fuqishme në botë

Pasaportat e Singaporit dhe të Japonisë janë më të fuqishmet në botë për vitin 2018, ka bërë të ditur sistemi i rangimit vjetor.

Dy vendet në fjalë kanë rrëzuar nga froni Gjermaninë, e cila një vit më parë zinte vendin e parë, ndërsa Singapori e Japonia të katërtin respektivisht të pestin. Gjermania tashmë është në vendin e dytë, e ndjekur nga Danimarka, Finlanda, Franca, Italia, Spanja, Suedia e Koreja Jugore, të cilat së bashku ndajnë vendin e tretë.

Në indeksin e restrikcioneve për viza të kompiluar nga firma ligjore “Henley & Partners”, vendin e katërt e ndajnë Portugalia, Austria, Mbretëria e Bashkuar, Norvegjia dhe Holanda, kurse të pestin Kanadaja, Zvicra, Irlanda dhe SHBA-ja.

Këto rangime bëhen çdo vit dhe bazohen në numrin e vendeve që një pasaportë mund t’i japë një personi qasje pa vizë.

Kosova ndërkaq radhitet në vendin e 97-të, së bashku me Libanin, Iranin dhe Bangladeshin.

Nga rajoni, Sllovakia dhe Sllovenia pozicionohen më së miri, gjegjësisht ndajnë pozitën e 12-të. Kroacia gjendet në vendin e 20-të, e ndjekur nga Serbia (41), Mali i Zi e Maqedonia (47), Bosnja (52) dhe Shqipëria (54).

Ndërsa, pas Kosovës janë Eritrea (98), Libia e Nepali (99), Jemeni (100), Somalia (101), Pakistan (102), Siria (102), Iraku (104) dhe Afganistani (105).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi