E mërkurë, 18 nëntor 2026

Rubrikat

Mbështet Limit.al

Njihuni me kafshën më të lumtur në botë

Quokka (Setonix brachyurus) ka trup të rrumbullakët e kompakt 40-54 cm të gjatë. Janë të mbuluar me gëzof të shkurtër, të trashë kafe-gri dhe kanë veshë të vegjël të rrumbullakosur dhe një hundë të zezë.

Eksploruesi i hershëm holandez, Willem de Vlamingh, ishte i pari që vuri re këto kafshë të pazakonta kur mbërriti në vitin 1696 në ishullin Rottnest. Ai e quajti ishullin “Rattennest” ( në holandisht -“fole miu”), e cila më vonë u përshtat aty.

Përveç ishullit Rottnest, grupe të vogla kuoka banojnë gjithashtu në kontinentin e Australisë Perëndimore, si dhe në Bald Island, një ishull i vogël në jugperëndim.

Në grupe jetojnë në territore të mbrojtura nga meshkujt dominues. Shpesh jetojnë në barishte pranë burimeve të ujit. Kuokat gjithashtu mund të ngjiten në pemë!

Kuokat janë barngrënës që ushqehen kryesisht gjatë natës. Përveç barit, ato hanë gjethe, kërcej dhe lëvore të shumë bimëve. Nëse është e nevojshme, mund të mbijetojnë për periudha të gjata kohore pa ushqim ose ujë duke jetuar nga yndyra e ruajtur në bishtin e tyre.

Kuokat mund të shumohen gjatë gjithë vitit, por në ishullin Rottnest ato shumohen vetëm nga janari deri në gusht. Femrat mund të lindin dy herë në vit.

Të vegjëlit jetojnë në barkun e nënës së tyre për gjashtë muaj. Pasi lind, kuoka mbështetet tek e ëma për dy muaj të tjerë. Në moshën 1.5 vjeç, kuokat janë mjaft të rritura për të pasur foshnjat e tyre. Kuokat mund të jetojnë deri në dhjetë vjet.

Në mesin e viteve 2010, fituan një reputacion në internet si “kafshët më të lumtura në botë” dhe simbole të pozitivitetit për shkak të buzëqeshjeve të tyre të ndezura. /Telegrafi – Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi