E mërkurë, 18 nëntor 2026

Rubrikat

Mbështet Limit.al

Lyerja e trungut të pemëve me gëlqere

Shumë njerëz mendojnë se lyerja e trungut të pemëve me gëlqere bëhet për zbukurimin e tyre, prandaj lyerjen e bëjnë në pranverë. Por koha më e mirë për lyerjen e trungut të pemëve është vjeshta, pas rënjes së gjetheve.

Lyerja e trungut të pemëve bëhet për disa arsye:

● Për të shmangur plasaritjen e lëvores së trungut e cila vjen nga ngrohja e shpejtë e saj nga rrezet e diellit, gjat ditëve dimërore me diell. Ne dimr, gjat natës temperaturat mund të bien disa gradë nën zero, mirëpo gjat ditës nga rrezet e diellit, ngohet dukshëm trungu i pemëve, sidomos nga pjesa jugore, dhe vjen deri te bymimi i tij. Pastaj gjat natës prap ftohet nga temperaturat shumë të ulta e kështu me radhë. Nga këto ndryshime të shpejta të temperaturës vjen deri te plasaritja e lëvorës së trungut, e cila bëhet e ndijshme nga të ftohtit dhe sidomos nga aty fillojnë infeksionet nga shkaktarët e sëmundjeve të ndryshme. Ngjyra e bardhë e gëlqerës duke reflektuar rrezet e diellit, e mbronë trungun nga ndryshimet e shpejta të temperaturës dhe kështu e shmangim plasaritjen e lëvorës së tij.
● Shtresa e gëlqerës sa do e hollë që është, e mbron trungun nga të ftohtit për disa gradë celsius.
● Një numër i madh i dëmtuesve (insekte të ndryshme) dimërojnë pikërisht në lëvorën e pemëve, kështu lyerja me gëlqere i pa mundëson daljen e tyre apo më mirë me thënë i shkatërron ato.
● Gëlqerja, sidomos nëse përgaditet sipas udhëzimit që do të japim më poshtë, ndikon si fungicid, pasi i shkatërron organët e riprodhimit të këpurdhave dhe bakterieve që po ashtu dimërojnë në lëvoren e trungut të pemëve.
● Lyerja me gëlqere, pemët i mbron deri diku edhe nga brejtësit siç janë lepujt dhe minjët e fushës të cilët në mungesë të ushqimit, sidomos kur shtresa e borës është e trashë, shpeshëherë shkaktojnë dëme të mëdha e në rastet ekstreme edhe shkatërrimin e plotë të pemishtes. Një rast i tillë te ne ka ndodhur në dimrin e vitit 2011/ 2012 kur për shkak të borës së madhe e cila pati mbuluar ushqimin e brejtësve ata patën shkatërruar pemtoret e reja , duke u ushqyer me lëvoren e trungut të tyre.
Mënyra e përgaditjes së tretsires për lyerjen e trungjeve të pemëve:
● 5 kg gëlqere të shuar
● 0,5 kg squfur pluhur
● 0,5 kg kripë të kuzhinës (kripë të zakonshme, të ushqimit)
● Ujë 15-20 litra.
Pasi të përzihen mirë këto komponente, lihen për të qëndruar së paku 24 orë, pastaj me te bëhet lyerja e trungut dhe degëve skeletore të pemëve.Kuptohet sipas nevojës sasia mund të rritet, por gjithnjë duke e ruajtur raportin mes këtyre komponenteve. Nëse sulfuri (squfuri) nuk mund të gjendet, atëherë përzierja mund të përgaditet vetem me gëlqere dhe kripë. Gëlqerja shërben për mbrojtjen e trungut nga ndryshimet e shpejta të temperaturës Sulfuri (squfuri) shërben si dezinfektues, dmth. shkatërron mikroorganizmat, që janë shkaktarë të sëmindjeve, por edhe insektet që mund të jenë duke dimëruar në lëvoren e pemëve, kurse kripa ndikon në ngjitjen më të mirë dhe qëndrueshmërinë e gëlqerës.

Agronomi Ragip Elezaj
B.Curri,me 20.11.2019

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi