E mërkurë, 18 nëntor 2026

Rubrikat

Mbështet Limit.al

Kinë, linjë hekurudhore brenda një ndërtese banimi

E në cilin vend ju mund të shihni një hekurudhë që kalon brenda një ndërtese banimi, përveçse në Kinë?

Sigurisht që në asnjë tjetër.

Një ndërtesë prej 19 katesh në qytetin e Chongqingut, i njohur gjithashtu si “Kryeqyteti i mbuluar nga reja e tymit”, me një popullsi prej afërsisht 33 milionë banorësh, është shndërruar në një stacion hekurudhor.

Ky pallat u vendos që të mos prishej dhe rrjedhimisht linja hekurudhore nuk kishte se ku të ndërtohej tjetër, përveçse në brendësi të tij, konkretisht ndërmjet katit të 7 dhe atij të 8. Kjo linjë hekurudhore ka edhe një stacion pikërisht brenda ndërtesës, platforma e së cilës është rreth 150 metra e gjatë.

Pyetja e parë që shumëkujt mund t’i vijë në mendje është nëse banorët e këtij pallati janë zhvendosur prej aty apo vazhdojnë të jenë rezidentë të saj. Por përpara se kjo linjë hehurudhore të ndërtohej, të gjithë banorët e pallatit u lajmëruan se në të gjithë ndërtesën do të instaloheshin pajisje speciale të cilat do të ulnin në maksimun nivelin e zhurmës, në momentin që kalon treni, thuajse në nivel të barabartë me atë të një pjatalarëseje.

Pas ndërtimit të linjës hekurudhore brenda kësaj ndërtese banimi, çmimet e apartamenteve kanë shënuar rritje, duke u shndërruar në apartamentet me çmimet më të larta në të gjithë zonën.

Kina nuk është e para që ka ndërmarrë një nismë të tillë, pasi më parë Japonia, ndërtoi në qytetin e Osakës një autostradë që kalon brenda një ndërtese banimi ndërmjet katit të saj të 4 dhe të 8.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi