E mërkurë, 18 nëntor 2026

Rubrikat

Mbështet Limit.al

Drogat halucinogjene që përdoreshin në lashtësi

Sipas një studimi të ri, banorët kanë konsumuar shumë droga halucinogjene në Spanjë, rreth 3000 vjet më parë, shkruan në një artikull BBC News.

Shkencëtarët thonë se flokët e njeriut të gjetura në një vendvarrim në Menorca tregojnë se qytetërimet e lashta njerëzore kanë përdorur droga që e kanë burimin nga bimët dhe shkurret.

Vendvarrimi në Menorca besohet të jetë prova më e vjetër e drejtpërdrejtë në Evropë e banorëve që merrnin droga halucinogjene.

Provat, të publikuara në revistën “Scientific Reports”, treguan gjurmë të aktivitetit njerëzor në shpellën “Es Càrritx”, në anën jugperëndimore të Menorca.

Shpella strehon më shumë se 200 varre të banorëve dhe besohet se ka shërbyer si një vend rituali dhe funerali për rreth 600 vjet, deri në vitin 800 pes.

Studiuesit zbuluan se substancat, të cilat kishin potencialin të ishin mjaft të forta, mund të ishin përdorur si pjesë e ritualeve të mbajtura në shpellë.

Analiza e bravave, të cilat ishin lyer me ngjyrë të kuqe gjatë ritualeve të lashta zbuloi tre substanca psikoaktive.

Së bashku me atropinën dhe skopolaminën, të cilat nxisin halucinacione, shkencëtarët gjetën ephedrinë, e cila rrit energjinë dhe vigjilencën.

Gjithashtu, në shpellë u gjetën kontejnerë me motive spirale të gdhendura në kapakë.

Sipas disa studiuesve, ato përfaqësonin gjendjet e ndryshuara të ndërgjegjes së një personi ndërsa ishin nën ndikimin e halucinogjenëve./BBC News-Scientific Reports-Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi