E mërkurë, 18 nëntor 2026

Rubrikat

Mbështet Limit.al

Drejtori i shkollës heq dyert e tualetit për të mos lejuar nxënësit të tymosin cigare

Njihet si vaping – thithja dhe nxjerrja e tymit të prodhuar nga cigaret elektronike dhe pajisjet e tjera të ngjashme – dhe është një praktikë e përhapur në Amerikë dhe jo vetëm. Pasi u konstatuan raste të nxënësve që tymosnin cigare brenda ambienteve të tualeteve, drejtori i një shkolle të mesme në Alabama i ra për shkurt dhe vendoi të hiqte dyert.

Administratorët e shkollës Wilson High School thanë se kanë gjetur nxënës duke konsumuar duhan në tualet. Kështu drejtori Gary Horton deklaroi për televizionin lokal WAFF se vendosi të hiqte dyert e tualeteve për të ndaluar të tilla veprime.

Një numër i madh prindërish reaguan të revoltuar, duke theksuar se ka nevojë për kontroll të vazhdueshëm nga personeli, mirëpo kjo nuk e justifikon heqjen e dyerve.

“Krijoni një personel që të monitorojë korridoret dhe veprimet e nxënësve, sepse tualeti është zonë private,” u shpreh dikush. “Unë si prind mendoj se është e tepër,” tha një tjetër. “Nuk bie dakord; është shkelje e privatësisë,” shtoi i zemëruar një tjetër prind.

Horton u shpreh se dyert do të kthehen sërish në një pikë në të ardhmen, por jo derisa administratorët të gjejnë një zgjidhje.

Nuk është hera e parë që në Alabama ndodhin ngjarje të tilla, që shkelin të drejtat themelore të individëve dhe mjafton të përmendim projektligjin e muajit maj, ku 25 republikanë kërkuan të ndalonin abortin, qoftë edhe në rastet e përdhunimit apo incestit./Revista Class

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi