E mërkurë, 18 nëntor 2026

Rubrikat

Mbështet Limit.al

Alpinisti 84-vjeçar shpëtohet nga rreziku teksa synonte të arrinte rekord

Një alpinist 84-vjeçar që përpiqej të bëhej personi më i vjetër që arrinte majat më të larta të botës, u shpëtua të enjten nga një mal në Nepal, ku u lëndua.

Alpinisti spanjoll Carlos Soria po përpiqej të ngjitej në malin Dhaulagiri, por u lëndua gjatë rrugës për në majë.

Me një helikopter shpëtimi ai u dërgua në një spital në Katmandu për trajtim.

Udhëzuesit sherpa dhe alpinistët e tjerë e kishin ndihmuar atë të zbriste nga mali në kampin bazë, pasi u plagos të mërkurën.

Soria ishte ngjitur në 12 nga 14 malet më të larta në botë mbi 8,000 metra duke përfshirë malin Everest, i cili është më i larti nga të gjithë, raporton “Associated Press”.

Qindra alpinistë dhe udhërrëfyesit e tyre përpiqen të ngjiten në majat më të larta në Nepal gjatë sezonit popullor të alpinizmit pranveror, kur kushtet e motit në male janë më të favorshme.

Sezoni fillon në mars dhe përfundon në maj, pas së cilës moti përkeqësohet, duke e bërë të rrezikshëm qëndrimin në mal.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Enciklopedi