E mërkurë, 18 nëntor 2026

Rubrikat

Mbështet Limit.al

Dua Lipa shkruan historinë, bëhet shqiptarja e parë që shpërblehet me dy çmime “Grammy”/Fjalimi emocionues i Dua Lipës në “Grammy Awards”

Një ceremoni që arriti ta mbante mbërthyer publikun anembanë botës ajo e “Grammy Awards” në këtë edicion të 61-të.

Alicia Keys, Lady Gaga, Jennifer Lopez, Jada Pinkett Smith dhe Michelle Obama ishin vetëm surpriza e parë elektrizuese e mbrëmjes së çmimeve më prestigjioze muzikore. Pas performancave të shkëlqyera nga shumë prej artistëve botëror, ndarja e çmimeve rezultoi të ishte një emocion më vete edhe për shqiptarët.

Dua Lipa shkroi historinë duke u bërë shqiptarja e parë që shpërblehet me dy çmime “Grammy”, “Kënga më e mirë ritmike”, për bashkëpunimin e saj me Mark Ronson dhe Diplo “Electricity”, dhe “Artisti i ri më i mirë”.

23-vjeçarja nuk i fshehu emocionet dhe lumturinë e saj teksa theksoi se nuk ka rëndësi se nga vijnë, cila është prejardhja e tyre apo çfarë besojnë, asnjëherë nuk duhet të ndalen para ëndrrave të tyre.

Edhe Bebe Rexha ishte e nominuar në kategorinë “Artisti i ri më i mirë”, por pavarësisht se nuk triumfoi, ajo falënderoi akademinë, duke quajtur fitore edhe vetë nominimet.

Ndër të tjera “This Is America” rezultoi si “kënga më e mirë e vitit”, “Albumi më i mirë Rap” shkoi për “Invasion of Privacy” Cardi B, ndërsa “Shallow” i Lady Gagës me Bradley Cooper fitoi si “bashkëpunimi më i mirë pop”.

Do të jetë i paharrueshëm ky edicion i “Grammy Awards” për këngëtaren shqiptare Dua Lipa. 23-vjeçarja ja doli të ‘mposhtë’ yjet më më mëdhenj botërorë në garën e rëndësishme muzikore duke çuar në shtëpi jo një, por dy Grammy, në eventin më të madh muzikor në botë. Ajo u shpall “Artistja më e mirë e re” dhe fitoi “Best Dance Recording”. E emocionuar Dua mbajti një fjalim të ndjerë e optimist para gjithë të pranishmëve…

“Oh Zot, nuk di nga t’ia filloj. Fillimisht dua të them se jam shumë e nderuar që jam nominuar mes kaq shumë artisteve të mrekullueshëm. Besoj se këtë vit kemi ecur përpara. Dua të falenderoj shumë fansat e mi që më kanë lejuar të jem versioni më i mirë i vetes time. Dua të falenderoj ekipin tim që kanë qenë krah meje. Kanë punuar shumë pa u lodhur asnjëherë .

Falenderoj edhe familjen time që janë këtu sonte me mua, ju dua shumë. O Zot, jam shumë nervoze, e emocionuar dhe mirënjohëse në të njëjtën kohë. Diçka tjetër që dua vërtetë ta them është se nëse ende nuk e keni kuptuar sa të veçantë jeni, nga historia dhe e kaluara unike që keni ose nga një emër që nderon rrënjët tuaja, duhet thjesht ta dini që pavarësisht se nga vini, mos lejoni asgjë nga këto të hyjë në rrugën e ëndrrave tuaja sepse ju e meritoni.Unë jam provë e gjallë që ju mund të bëni çfarëdo që mendja juaj thotë që mund ta bëni, unë besoj tek ju!”; u shpreh me lot në sy ylli botëror me origjinë nga Kosova.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Kulturë